ഭ്രാന്തൻ -ചെറുകഥ

ചെറുകഥ
----------------------------
ഭ്രാന്തൻ
---------------
'പൊ, ദൂരേക്ക് പൊ, എന്റെ അടുത്തേക്ക് വരാതെ, ഞാൻ ഈ റോസാപ്പൂ കൊണ്ട് നിന്നെ എറിയും '

ഭ്രാന്തൻ തന്റെ ചങ്ങലക്കിടയിൽ നിന്ന് അലറാൻ തുടങ്ങി.

'എന്തിനാ എന്നെ തേടി വന്നത്, എന്നെ പിന്നെ എന്തിനാ ഉപേക്ഷിച്ചത്, അന്നേ എന്നെ കൊല്ലായിരുന്നില്ലേ, ഇഷ്ടമില്ലാത്ത സ്നേഹം പിന്നെ എന്തിനു എനിക്ക് തന്നു '

അയ്യാൾ എഴുന്നേറ്റു.
തന്റെ നേരെ വരുന്ന തന്റെ ഇഷ്ട്ടപെട്ടവർക്ക് നേരെ നോക്കി വീണ്ടും എന്തൊക്കെയോ പിച്ചും പെയ്യും പറയാൻ തുടങ്ങി.

'എന്റെ വിലപ്പെട്ട സമയം, എന്റെ മനസ്സ്, എന്റെ സന്തോഷം എല്ലാം നശിപ്പിച്ചു. എന്തിനു വേണ്ടിയായിരുന്നു. എന്നെങ്കിലും വെറുതെ വിടമായിരുന്നില്ലേ '

തന്റെ അടുത്തുകിടക്കുന്ന റോസാപ്പൂ കയ്യിൽ എടുത്ത് ദേഷ്യത്തോടെ തുറിച്ചു നോക്കി. ശേഷം അവർക്കു നേരെ ആഞ്ഞു എറിഞ്ഞു.എന്നിട്ട് പറഞ്ഞു

'ഇന്നലെ രാത്രി ഞാൻ മരിച്ചത് പോലെ നിങ്ങളും മരിക്കും ഒരു ദിവസം ആ ദിവസം നിങ്ങൾ എന്റെ മരണത്തെ കുറിച്ചോർക്കും അന്ന് എന്റെ ഉടലിന്റെ ഒരംശം എങ്കിലും ജീവനോടെ ഉണ്ടെങ്കിൽ നിങ്ങളുടെ മരിച്ച കഥ കേൾക്കാൻ ഞാൻ കതോര്തിരിക്കും '

കതോര്തിരിക്കും. അയ്യാൾ കാലിൽ കെട്ടിയ ചങ്ങലയും കൊണ്ട് നടന്ന് നീങ്ങി.
______________________________________________
      അജയ് പള്ളിക്കര